Futbollistët e Salzburgut kanë mbërritur dje (e hënën) në “Elbasan Arena”, ku mbrëmjen e sotme do të jenë kundërshtar të Partizanit në ndeshjen e vlefshme për fazën eliminatore të Ligës së Kampionëve.
Një prej lojtarëve të skuadrës austriake i ka dhuruar disa momente të veçanta disa fëmijëve para stadiumit.
Menjëherë sapo ka zbritur nga autobusi, lojtari i Red Bull Salzburgut është bashkuar me fëmijët duke luajtur me ta iu për disa momente përpara “Elbasan Arena”-s, transmeton TopChannel.
Mbrëmjen e sotme luhet ndeshja e parë mes dy ekipeve, ndërsa takimi i kthimit në Austri do të zhvillohet më tre gusht.
