Zyrtarët e Australisë së Jugut thanë të premten se një “gënjeshtër” çoi në bllokimin më të ashpër të coronavirusit në shtet pasi gjurmuesit e kontaktit fillimisht u bënë të besonin se një burrë ishte infektuar me një virus shumë ngjitës me një periudhë shumë më të shkurtër të inkubacionit.
Në një njoftim tronditës të premten, kryeministri i shtetit të Australisë Jugore, Steven Marshall tha se bllokimi i rreptë gjashtë ditor do të hiqej më herët se sa pritej, në mesnatën e së shtunës, pasi virusi nuk ishte aq ngjitës siç mendohej fillimisht.
Marshall përsëriti megjithatë se ishte ende një grup “i rrezikshëm” me 25 infeksione dhe rreth 4,500 kontakte të ngushta në karantinë.
Si rrodhi ngjarja?
Sipas Reuters, përcjell Telegrafi, ishte një roje sigurie në një hotel karantinë, i cili gjithashtu punoi me kohë të pjesshme në një sallon picash, në kryeqytetin e shtetit të Adelaidës, Woodville Pizza Bar, që u infektua përmes një udhëtari të kthyer nga Britania e Madhe.
Një punëtor i dytë, i pa identifikuar nga autoritetet me emër, në një hotel tjetër karantinë në qytet gjithashtu u infektua.
Autoritetet thanë se burri u tha gjurmuesve të kontaktit se ai kishte blerë vetëm një pica nga i njëjti bar, kur në fakt ata më vonë zbuluan se ai punonte në turne atje.
Autoritetet punuan në premisën që burri kishte kontraktuar virusin nga një ekspozim shumë i shkurtër gjatë blerjes së picës, duke i bërë ata të besonin se ai duhet të ishte ekspozuar ndaj një lloji shumë ngjitës.
“Sikur ky person të ishte i sinqertë ndaj ekipeve gjurmuese të kontakteve, ne nuk do të kishim shkuar në një bllokim gjashtë ditor”, tha Marshall në një konferencë shtypi në Adelaide të premten.
Një pasojë e dytë është se gjurmuesit e kontaktit tani duhet të gjejnë dhe izolojnë një grup krejt të ri njerëzish që kanë pasur kontakt me burrin.
Si e gjetën “autorin”?
Ekipi i gjurmimit të kontakteve u ul dhe intervistoi punëtorin.
Një ekip tjetër rishikoi informacionin e marrë në intervistë, por nuk ishte i kënaqur me “ndjenjën që morën nga kjo”, tha komisioneri i policisë i Australisë Jugore Grant Stevens, duke folur në konferencë.
Ekipi i rishikimit u kthye për të ri-intervistuar burrin, i cili më në fund zbuloi se ai punoi disa ndërrime në pica.
E kryeministri Marshall tha se nuk ishte ende e qartë se cili ishte motivi i burrit. /Telegrafi/