Ideja për themelimin e një festivali të tillë, ka vite të tëra që është paraqitur publikisht nga regjisorja e brezit të ri Saranda Elshani.
Gjatë edicionit të parë të tij, që ka nisur prej datës 11 shkurt e do të vijojë deri në 17 shkurt po prezantohen dhe vlerësohen shfaqjet e zgjedhura nga gjithë hapësira etnografike shqiptare, Kosova, Shqipëria, Mali i Zi e Maqedonia që do të kulmojë me ndarjen e çmimeve.
Disa nga shfaqjet pjesëmarrëse janë “Drejt lirisë” me tekst të Erand Sojlit e regji të Robert Budinës, “Keqkuptimet” e Kamysë me regji të Oriana Camës, “Tregimi zoologjik” i Eduard Olbi, “Aktori në kuti”, shkruar dhe me regji të Mentor Zyberajt, “Piknik në fushëbetejë” i Fernando Arrabal, “Sokoli nga Inishmani” i Martin Mcdonagh, “Krushqit nga Vlora” nga Thanasi Papthanasiu dhe Mihalis Repas, “Hamleti në teatrin tonë” i Ivo Breshan. /Panorama/