Telegrafi

Një e katërta e të infektuarve me COVID-19 nuk karantinohen në Australi

Një e katërta e njerëzve të infektuar me COVID-19 në shtetin australian të Victorias nuk e respektojnë ndalimin e largimit nga shtëpia, raporton abc.

Kështu së paku thënë kryeministri i këtij vendi, Daniel Andrews, i cili pohoi se nuk po respektohen rregullat e vendosura prej qeverisë, transmeton Telegrafi.

Inspektorët shëndetësorë që kontrolluan më shumë se 500 njerëz të infektuar me coronavirus gjatë dy ditëve të kaluara, dhe të cilëve u kërkohej të mos dilnin nga shtëpia e tyre, gjetën 130 persona që injoruan ndalimin e daljes; shkonin në punë ose dilnin në publik, tha Andrews.

“Për hir të Zotit, nëse duhet të qëndroni në shtëpi, qëndroni në shtëpi!” tha Andrews në një konferencë të rregullt për shtyp.

Theksojmë se Victoria regjistroi 627 raste të reja me infeksione në 24 orët e fundit. Shtetet e tjera mbyllën kufijtë e tyre me Victorian.

Ndryshe, Australia ka regjistruar 16905 raste të infektuarve me coronavirus gjersa kanë ndërruar jetë 196 persona. /Telegrafi/