Modelja shqiptare, Arbenita Ismajli, ka ndarë një lajm të kobshëm gjatë ditës së sotme (e diel).
Përmes një postimi të shpërndarë me fansat në rrjete sociale, ajo tregon se ka ndërruar jetë babai i saj.
Lajmi për vdekjen e të atit vjen një ditë pasi ajo u bë nënë për herë të parë.
“Pusho në paqe babai im. Shpresoj që Zoti ta ketë bekuar me një vend në parajsë. Ti gjithmonë do të jesh në mendjen time”.
“Ju lutem që t’u tregoni gjithmonë njerëzve tuaj të dashur që i doni dhe gjithmonë përqafoni ata, ju kurrë nuk e dini se kur do të largohen”, kanë qenë fjalët prekëse të Arbenitës.
Raportohet se babai i Arbenitës ka qenë i prekur me COVID-19 dhe prej disa ditësh po trajtohej në Maqedoninë e Veriut.
Arbenita dhe Fero përndryshe e pagëzuan vajzën e tyre të porsalindur me emrin, Nina. /Telegrafi/