Presidenti i Malit, Ibrahim Boubacar Keita dha dorëheqje, pasi u arrestua nga ushtarët rebelë të vendit, njofton televizioni shtetëror.
Gjatë një fjalimi televiziv, Keita tha se do të shpërndajë qeverinë dhe parlamentin, raporton BBC.
“Unë nuk dua të derdhet gjaku në mënyrë që të qëndrojë në pushtet”, tha 75-vjeçari, transmeton Telegrafi.
Keita foli disa orë pasi ai dhe kryeministri u dërguan në Bubu Sisa, gjegjësisht në një kamp ushtarak afër kryeqytetit, Bamako.
“Nëse sot, elementë të caktuar të forcave tona të armatosura duan që kjo të përfundojë me ndërhyrjen e tyre. A kam ndonjë zgjidhje tjetër?”, pyeti Keita nga një bazë ushtarake në Katya, ku ishte ndaluar një ditë më parë.
Ndryshe, presidenti dhe kryeministri u arrestuan nga anëtarët renegatë të forcave të armatosura, njoftoi më parë përfaqësuesi i Bashkimit Afrikan, Musa Faki Mahamat. /Telegrafi/