Tre zyrtarë policorë në Tempe të Arizonës janë pezulluar përkohësisht nga puna derisa në përfundimin e hetimeve lidhur me vdekjen e një të pastrehu, i cili u mbyt në ujë derisa kërkonte ndihmë nga ata – ku policët zyrtarë nuk reaguan fare për ta parandaluar më të keqen.
Pamjet e reja të kapura nga kamerat e vendosura në uniformat e zyrtarëve policorë, shfaqin Sean Bickings, 34-vjeç i cili hidhet në liqenin Tempe Town në Arizona gjatë 28 majit, pasi ishte raportuar nga gruaja e tij për shqetësim, transmeton Telegrafi.
Bickings shihet duke u futur në ujë me të mbërritur policia në vendin e ngjarjes, pas telefonatës për dhunë në familje – gjë që fillimisht ishte mohuar nga viktima.
E derisa kontrollonin në databazë nëse dyshja kanë ndonjë të kaluar kriminale apo është lëshuar urdhërarrest, Bickings ngjitet mbi rrethojën e urës dhe pa u menduar dy herë niset drejt ujit.
Ai dëgjohet duke thënë se po “shkon të notoj dhe pyet nëse është i lirë ta bëjë këtë”.
Policët i thonë 34-vjeçarit se nuk i lejohet të futet në liqen – derisa qëndronin në anën tjetër të rrethojës e ai futej në ujë.
Viktima shihet duke notuar e policët pyesnin njëri-tjetrin se sa mendojnë do të shkojë larg duke notuar.
E pamjet e kamerave të vendosura në uniformat e tyre, janë edituar për shkak të pamjeve të rënda ku Bicking mbytet në ujë.
Megjithatë është publikuar transkripti ku Bickings kërkon ndihmë nga zyrtarët policorë.
Bickings: Po mbytem
Polici: Kthehu këtu
Bickings: Nuk munden, nuk po mund
Polici tjetër: Nuk do të hidhem në ujë për ty
Bickings: Ju lutem më ndihmoni, ju lutem. Nuk mund të prekë. Oh Zot, ju lutem më ndihmoni.
Madje edhe gruaja e viktimës që ishte në vendin e ngjarjes i kishte kërkuar policëve të intervenojnë: “jam e tmerruar sepse ai po mbytet para syve tuaj dhe ju nuk dëshironi ta ndihmoni”. /Telegrafi/
