Një burrë nga Oregon i tha autoriteteve se ai dhe qeni i tij mbijetuan duke ngrënë pako me salcë, pasi ata ishin bllokuar nga bora në automjetin e tij për pesë ditë.
Siç thuhet tutje, përcjell Telegrafi, 36-vjeçari Jeremy Taylor, i cili deshi të bënte një rrugëtim “jashtë rrugëve” në zonë, tha se ai gjendej me qenin e tij, Ally, kur vetura e tij u mbërthye në borë, ditë më parë.
Ai e kaloi natën në automjetin e tij dhe u përpoq të ecë në këmbë për të gjetur ndihmë, por kishte vështirësi për shkak të sasisë së borës që kishte rënë, thanë autoritetet.
“Jeremy qëndroi i ngrohtë gjatë katër ditëve të ardhshme duke përdorur në mënyrë periodike makinën e tij dhe përdori disa paketa salcë që ai kishte si ushqim”, tha departamenti i sherifit në Facebook.
Kjo gjendje e tij vazhdoi deri kur një burrë me një “motoçikletë bore” zbuloi makinën e tij dhe thirri policinë.
Më pas, siç shkruajnë mediat, u gjetën Taylor dhe qeni i tij, të cilët u përshkruan si të uritur por në gjendje të mirë. /Telegrafi/