Shërbimet e urgjencës janë drejtuar drejt Pallatit Buckingham të Mbretërisë së Bashkuar pasi një automjet ka shpërthyer në flakë.
Bëhet e ditur se rruga Spur e Londrës është mbyllur ndërsa Brigada e Zjarrfikësve është përkujdesur që ta bëjë zonën më të sigurt.
Pamjet e shpërndara në rrjete sociale tregojnë biçikletën me tre rrotë duke u djegur në flakë, shkruajnë mediat e huaja, përcjell Telegrafi.
Siç është raportuar, automjeti është një biçikletë me pedale e jo elektronike.
Tymi i dendur është shpërndarë edhe në ajër, andaj policia ka vendosur një kordon rreth zonës për të ndaluar qarkullimin e kalimtarëve.
Edhe pse nuk raportohet për të lënduar, motivi i zjarrit nuk dihet ende.
“Zjarri nuk besohet të jetë i qëllimshëm ose i dyshimtë”, tha policia e vendit. /Telegrafi/
