Një aplikacion për smartphone do të jetë në gjendje të tregojë nëse jeni shumë i dehur për të vozitur duke dëgjuar zërin tuaj.
Sipas mediave të huaja, përcjell Telegrafi, sensorët në pajisjet inteligjente mund të ndihmojnë në përcaktimin e nivelit të alkoolit të një personi bazuar në ndryshimet në zërin e tyre, thonë shkencëtarët.
Pjesëmarrësve në një studim iu dha secili nga një sasi alkooli në bazë të peshës dhe iu caktuan rastësisht “një seri frazash të vështira” – një para pirjes dhe një në çdo orë deri në shtatë orë më pas.
Atyre iu kërkua të lexonin me zë të lartë ato dhe një smartphone u vendos në një tavolinë për të regjistruar zërat e tyre.
Studiuesit gjithashtu matën përqendrimin e tyre të alkoolit në frymëmarrje në fillim të studimit dhe çdo 30 minuta për deri në shtatë orë.
Dhe kur u kontrolluan në raport me rezultatet e alkoolit, ndryshimet në modelet e zërit të pjesëmarrësve ndërsa eksperimenti vazhdoi, parashikuan dehjen me 98 për qind saktësi, sipas gjetjeve. /Telegrafi/