Një anije cisternë e madhe e naftës thuhet se është goditur nga një raketë nënujore në Gjirin e Omanit, gjë që ka vënë në alarm Lindjen e Mesme, shkruajnë mediat e huaja, përcjell Telegrafi.
Sulmi i dyshuar ka lënë një nga dy anijet cisternë të zhytur në flakë, ndërsa 44 anëtarë të ekuipazhit u evakuuan nga të dy anijet dhe u dërguan në një port iranian.
Ushtria amerikane nxitoi të ndihmonte mes tensioneve të rritura midis Uashingtonit dhe Teheranit, pas incidentit pranë ngushticës së Hormuzit – grykës së ngushtë të Gjirit Persik ku kalon një e treta e të gjitha vajrave të tregtuara.
Po sipas mediave, Ministria japoneze e tregtisë tha se dy anijet mbanin ‘ngarkesë të lidhura me Japoninë’, pasi kryeministri Shinzo Abe ishte në një vizitë në Teheran duke kërkuar të lehtësonte tensionet midis Iranit dhe SHBA.
Megjithatë, askush nuk ka marrë zyrtarisht përgjegjësinë për incidentin, i cili pa rritjen e çmimeve të naftës.
Një nga anijet e sulmuara, që besohet të ishte një cisternë në pronësi norvegjeze, që u godit, sipas gazetës së tregtisë me anije TradeWinds. /Telegrafi/