Një aeroplan AHÜRKUŞ-B u rrëzua në Ankara të hënën gjatë një fluturimi stërvitor.
Sipas mediave turke, përcjell Telegrafi, dy pilotët e aeroplanit bënë një kërcim emergjent me parashut para përplasjes dhe gjendja e tyre shëndetësore është stabile.
Ndërkohë siç thuhet më tej, ekipet e shpëtimit u dërguan në rrethin Beypazarı të Ankarasë menjëherë pas rrëzimit.
https://www.youtube.com/watch?v=b8qX2uH1lMg
“Në orën 3 pasdite, një nga aeroplanët tanë Hürkuş u rrëzua gjatë një fluturimi stërvitor. Gjendja shëndetësore e të dy pilotëve është e mirë. Ne po hetojmë arsyet e përplasjes”, thuhet në një deklaratë të Turkish Aerospace Industries Inc. (TUSAŞ/TAI).
Avioni HÜRKUŞ-B – i cili ishte projektuar dhe përmirësuar nga TAI dhe shtuar në inventarin e Forcave Ajrore Turke në vitin 2018 – thuhet se është më i qëndrueshëm dhe gjithëpërfshirës se versioni i mëparshëm, HÜRKUŞ-A.
HÜRKUŞ-B do të përdoret për të trajnuar pilotët me shumë karakteristika të tij, duke përfshirë edhe fluturimet natën. /Telegrafi/
