Një 8 vjeçar nga Montgomery të Alabama është arrestuar pasi kishte vjedhur një veturë nën kërcënimin e armës, gjë që çoi edhe në një ndjekje nga policia.
Incidenti ndodhi në fillim të javës kur Departamenti i Policisë në Montgomery u njoftua për një vjedhje veture.
Një dëshmitar, me nofkën “Snake” Knapp, pa fëmijën e vogël pas timonit të mjetit të vjedhur dhe menjëherë filloi ta ndiqte përpara se autoritetet lokale të arrinin në vendngjarje.
“Në momentin kur e kuptova që ai ishte vetëm një djalë i vogël, e dija se duhet ta ndiqja dhe të sigurohesha se nuk do të goditej askush e gjithashtu edhe se duhej të kapej sepse nuk doja që ai të drejtonte veturën në të gjithë Montgomery-n, në mënyrë që mos të shkaktonte ndonjë aksident ose ta lëndonte veten apo të tjerët”, deklaroi Knapp, raporton Car Scoops, transmeton Telegrafi.
“Unë mendoj se prindërit thjesht duhet të dinë se ku janë fëmijët e tyre, çfarë po bëjnë fëmijët e tyre dhe thjesht të flasin me ta për këto lloj gjërash”, shtoi ai.
Knapp thotë se në një moment fëmija u ndal për të marrë dy të rritur brenda veturës. Kur policia mbërriti në vendngjarje, ata u përpoqën të ndalonin hajdutin e ri, por ai nuk pranoi të ndalte veturën.
Ndjekja e policisë përfundoi vetëm në momentin kur ai e përplasi veturën e vjedhur në një tjetër veturë dhe duke tentuar që të largohej në këmbë. Ai u arrestua dhe u dërgua në Qendrën e Paraburgimit për të Miturit në Qarkun Montgomery.
Djaloshi është akuzuar për grabitje të shkallës së parë, tentativë arratisjeje dhe armëmbajtje. /Telegrafi/