Një 20-vjeçar nga Çikago po konsiderohet si një hero pasi ai u hodh në aksion për të shpëtuar jetën e një burri që ra në hekurudhën e elektrizuar të metrosë, potencialisht vdekjeprurëse.
Anthony Perry, 20 vjeç, u nderua në një ceremoni të mërkurën nga një udhëheqës i komunitetit lokal, i cili i dha atij një makinë të re për heroizmin e tij, përcjell Telegrafi.
Dhe Perry ka rrëfyer momentin kur i shpëtoi jetën burrit: “Nuk mendoj se po mendoja se çfarë mund të më ndodhte në atë moment. Ndjeva pak tronditje. E ndjeva në të gjithë trupin tim, dhe më pas nuk e lashë që të më ndalonte (të veproja)”.
Siç bëjnë të ditur mediat, ngjarja ka ndodhur në orën 15:30 të dielën në stacionin 69th Street Red Line CTA në lagjen Greater Grand Crossing në Çikago.
Sipas autoriteteve në Çikago, burri ra në hekurudhë pas një sherri me një udhëtar tjetër ndërkohë që pamjet tronditëse tregojnë trupin e burrit duke “u dridhur” teksa rryma i përshkon trupin. /Telegrafi/