Partia politike “Romët e bashkuar të Maqedonisë (RBM) kanë reaguar ndaj deklaratave të deputetit Amdi Bajram, i cili ka pohuar se do të votojë për Ligjin për përdorimin e gjuhëve.
Kjo parti deklaron se ndjehet e kërcënuar dhe fyer nga deklarata e Amdi Bajramit, duke e konsideruar deklaratën si një lloj barcolete, por që në këtë rast është fyese, prandaj nuk mund ta tolerojnë më shumë, përcjell Telegrafi Maqedoni.
RBM-ja thekson se nuk e pranojnë që edhe më tej, vetëm një person të flet në emër të bashkësisë rome, pasi që nuk e ka besimin politik, moral dhe etik që të flet në emër të romëve.
Në lidhje me ligjin, qëndrimi i RBM-së është se bëhet fjalë për një marrëveshje ndërmjet dy partive politike, që reflekton afirmim dhe përparim të vetëm një bashkësie në shtet, kurse për bashkësitë tjera, ligji është diskriminues.
Sipas tyre, gjuha nuk na i zgjidh varfërinë, margjinalizimin dhe mundësinë për një jetë normale./Telegrafi/