Ndërsa vitet kalojnë, Nissan Skyline R34 GT-R bëhet gjithnjë e më i vlerësuar dhe i shtrenjtë në treg, dhe kur dikush del në shitje, ai arrin rregullisht një çmim të lartë.
Adhuruesit e pasur të këtij modeli tani kanë mundësinë të blejnë një kopje në gjendje perfekte.
Është një model V-Spec II Nur, i cili është një nga vetëm 718 kopje të prodhuara dhe ka përshkuar vetëm 10 kilometra. Për t’i bërë gjërat edhe më interesante, kjo veturë është një nga vetëm 159 me ngjyrë të bardhë. Së shpejti do të marrë një pronar të ri pasi do të shitet në ankand në Japoni.
Vetura nuk u regjistrua kurrë dhe mundësohet nga versioni N1 i Nissan i motorit të famshëm RB26DETT. Ëhtë një motor i ri me bosht, një sistem më i mirë i ujit dhe vajit në bllokun e motorit, pistona të përmirësuara dhe unaza të sipërme të pistonit, turbo-karikues të rinj dhe boshte të përmirësuara, raporton carscoops.
Nissan lançoi Skyline V-Spec II Nur në vitin e fundit të prodhimit, të quajtur pas Nurburgring, dhe modeli standard zhvillon 330 kuaj/fuqi. Sidoqoftë, motori N1 është më i fuqishëm dhe ky model gjithashtu ka pezullim më të fortë, frena më të mëdha dhe një mbulesë me fibra karboni.
Vitin e kaluar, një Skyline GT-R V-Spec II i ngjashëm u shit për 485 mijë dollarë. Ajo veturë kaloi vetëm 362 kilometra. Nuk do të jetë aspak e çuditshme nëse vetura në fjalë shitet për më shumë se 500 mijë dollarë. /Telegrafi/
