Në gjeneratën e ardhshme, Nissan Juke do të arrijë vetëm si një model elektrik dhe dizajni do të bazohet në konceptin Hyper Punk.
Nissan Juke i ri duhet të prezantohet pas tre ose katër vitesh (më shumë gjasa 2027), dhe synimi i vendosur nga Nissan është që të kushtojë më pak se 24 mijë euro, të cilën ata e quajtën “sfiduese”.
Ky model do të ndërtohet në fabrikën e Nissan në Sunderland dhe kompania po investon rreth 1.9 miliard euro në projektimin, inxhinierinë dhe prodhimin e modeleve të gjeneratës së re EV Juke dhe Qashqai.
Gjithashtu, Nissan Leaf do të prodhohet në Sunderland.
Kujtojmë, koncepti i Nissan Hyper Punk u prezantua së fundmi në panairin në Japoni, së bashku me disa koncepte të tjera futuriste që duhet të ofrojnë një pasqyrë se në cilën rrugë do të shkojë Nissan në të ardhmen. /Telegrafi/
