Ndërsa Nissan GT-R mund të jetë i vjetër, ai ende ka disa truke për vitin 2024.
Modeli i rindërtuar bëri debutimin në Motor Show në Tokio për tregun japonez dhe përmban, ndër të tjera, një grilë të përparme të ridizajnuar, përmirësime të pezullimit dhe dy paketa të reja të pajisjeve speciale.
Në pamje të parë, është më e vështirë të shihen ndryshimet, por ridizajnimi i grilës së radiatorit dhe fascia e përparme janë të dukshme, me vija më të drejta, dhe vetë fytyra e GT-R është më simetrike.
Nissan pretendon se ka përmirësuar performancën aerodinamike, si dhe një platformë që ofron një udhëtim më të rehatshëm duke reduktuar zhurmën dhe dridhjet. Për ata që mendojnë se GT-R është i vjetër, Nissan e ka përgjigjen në motorin e fuqishëm 3.8-litërsh V6 me dy turbo që zhvillon 562 kuaj/fuqi, ose 591 kuaj/fuqi në rastin e versionit Nismo.
Versioni Nismo Special mori përmirësime shtesë aerodinamike me fokus në performancën dhe pezullimi u rafinua. Një diferencial mekanik me rrëshqitje të kufizuar është i lidhur me boshtin e përparmë për kapje më të mirë dhe një kapak Nismo me karbon dhe ulëset e reja Recaro me karbon të zi janë një rifreskim për vitin 2024. Motori mori disa pjesë më të lehta, dhe Nissan pretendon se versioni Nismo Special për vitin 2024 ka performancën më të mirë nga të gjitha versionet e modelit GT-R.
Megjithatë, për ata që duan të dallohen më tej, ekziston një version T-Spec që pozicionohet mbi Premium dhe përdor një version të motorit 3.8-litërsh me 6 cilindra dy-turbo që jep 562 kuaj/fuqi. Edhe në këtë rast, pezullimi është rafinuar për një ekuilibër më të mirë midis rehatisë dhe performancës. Ky version është gjithashtu i pajisur me një grup frenash me disk karboni.
Shitjet në Japoni fillojnë në pranverë dhe sa i përket modelit GT-R në Evropë, historia ka përfunduar për shkak të kufizimeve që lidhen me emetimet e gazit. /Telegrafi/