NISMA për Kosovën sot ka mbajtur mbledhje me anëtarët e kryesisë, bëhet e ditur në një njoftim të kësaj partie.
Sipas njoftimit, në këtë mbledhje është diskutuar për zhvillimet e fundit në vend, çështjet organizative të Nismës, e në veçanti për përgatitjet që janë duke u bërë nëpër degët e Nisma-s, në funksion të mbajtjes së Kuvendit të I-rë Zgjedhor të NISMA për Kosovën, që do të mbahet më 25 Qershor.
“Po ashtu në këtë mbledhje është diskutuar edhe për takimet mobilizuese që NISMA dhe AAK janë duke zhvilluar me strukturat nëpër degë për protestën që do të mbahet më 14 maj në Prishtinë. Në fund të mbledhjes është folur edhe për Kuvendin Zgjedhor që nesër do të mbajnë degët e Nismës në Europë. Ky Kuvend do të mbahet nesër, në orën 19:00, në Gjermani”, thuhet në njoftimin e NISMA-s.