Siç njofton Grupi për Monitorim të Protestës (OVD), policia ruse deri më tani ka arrestuar 419 persona në protestat mbështetëse që kërkojnë lirimin e kritikut të Kremlinit, Alexei Navalnyt.
Mbështetësit e Navalnyt në Moskë planifikojnë të tubohen afër zyrës së presidentit Vladimir Putin dhe objekteve të nga Shërbimit të Brendshëm rus të Inteligjencës (FSB)
Sipas medieve ruse, përcjell Telegrafi, protestuesit kanë mbushur rrugët edhe në Siberi, pavarësisht paralajmërimeve të policisë që ka bërë thirrje që të mos mbahen protesta.
Në qytetin Vladivostok, policia ka ndaluar një turmë protestuesish të futen në qendër.
https://twitter.com/MBKhMedia/status/1355779665475080194
Navalny u arrestua në 17 janar pas arritjes në Rusia nga Gjermania, ku kishte qëndruar pesë muaj për t’u shëruar nga helmimi me një agjent nervor.
Arrestimi i tij shkaktoi protesta mbarëkombëtare një javë më parë në rreth 100 qytete dhe sipas njoftimeve, gati 4,000 njerëz u arrestuan.
Protestat e 23 janarit në mbështetje të Navalnyt ishin më të mëdhatë dhe më të përhapurat në Rusi pas shumë vitesh dhe autoritetet po përpiqen të mos lejojnë përsëritjen e tyre. Policia zhvilloi një seri bastisjesh këtë javë në apartamente dhe zyra të familjes Navalny, të bashkëpunëtorëve të tij dhe të organizatës së tij kundër korrupsionit.
Красноярск. pic.twitter.com/BzCks7Fztl
— Партия Прогресса РБ (@ProgressRB) January 31, 2021
Policia arrestoi të shtunën Sergey Smirnov, kryeredaktor i medias së pavarur Mediazona, në Moskë nën dyshimin për pjesëmarrje në protestën e fundjavës së kaluar. /Telegrafi/