"Të motivuar dhe shumë të përgatitur" ishin fjalët e të gjithë lojtarëve, raporton Zëri.
Lojtarët dhe stafi menaxherial i KB Sigal Prishtina sonte do të qëndrojnë në Sofje (Bullgari) dhe nesër në mëngjes udhëtojnë për Tel Aviv (fluturim nëpërmjet Stambollit).
Ndeshja do të zhvillohet të mërkurën nga ora 18:00 (ora lokale e Kosovës) dhe do të transmetohet drejtpërdrejt në Radio Televizionin e Kosovës.
Për Sigal Prishtinën kjo është ndeshja e tretë në Ligën Ballkanike, dy të parat i fitoj duke mposhtur klubin basketbollistik nga Kumanova dhe Ballkanin nga Bullgaria. /Telegrafi/