Ka filluar takimi i kryeministrit të Serbisë, Aleksandar Vuçiq me përfaqësuesit politik të serbëve nga Kosova në kazermën “Stefan Nemanja” në Rashkë, shkruajnë mediat serbe.
Takimi urgjent ishte caktuar menjëherë pas raundit të dytë të dialogut mes Beogradit dhe Prishtinës në nivelin më të lartë, që është mbajtur mbrëmë në Bruksel, transmeton Telegrafi.
Në të njëjtën kohë, ministri i mbrojtjes dhe i Punëve të Brendshme, Zoran Gjorgjeviq dhe Nebojsha Stefanoviq, si dhe gjenerali i Ushtrisë serbe Lubisha Dikoviq, janë duke mbajtur një takim me përfaqësuesit e ushtrisë serbe dhe MUP-it. /Telegrafi/
