Në Pallatin e Drejtësisë tashmë ka filluar seanca ndaj ish-deputetit nga radhët e PDK-së, Azem Syla.
Pasi kishte filluar kjo seancë, ajo ishte ndërprerë për shkak të mungesës së një avokati, por pas pak minutash ajo ka rinisur.
Sot dhe nesër do të mbahen seancat e fundit të hetuesisë së veçantë ndaj ish-deputetit Syla dhe të tjerëve, ku pritet që të merret në pyetje edhe dëshmitari i dytë i mbrojtur i këtij rasti.
Ish-deputeti i PDK-së, Azem Syla, është dërguar në burgun e sigurisë së lartë në Dyz. Ai qe disa ditë ishte i shtrirë në QKUK për tretman mjekësor, ndërkohë që Gjykata e Apelit kishte vendosur që atij t’ia kthej masën e paraburgimit prej dy muajsh.
Gjykata këtë vendim e ka marrë me arsyetimin se ka pasur një përpjekje nga ana e Azem Sylës për të ndikuar në dëshmitarin e dytë të mbrojtur në rastin e njohur si “Toka”.
Këtë vendim të Apelit e ka kundërshtuar Tomë Gashi, avokati i Azem Sylës, i cili iu ka drejtuar me kërkesë për mbrojtje të ligjshmërisë Gjykatës Supreme të Kosovës.