Prokurorët në Georgia kanë nisur një hetim penal ndaj Donald Trumpit shkaku i një telefonate që i kishte bërë zyrtari të lartë të shtetit, duke i kërkuar të “gjente” vota të mjaftueshme për ta ndihmuar në përmbysjen e rezultatit zgjedhor presidencial kundër Joe Bidenit.
Fani Willis, prokurori Demokrat në Qarkun Fulton, u dërgoi një letër zyrtarëve të qeverisë shtetërore duke u kërkuar atyre të ruajnë çdo dokument në lidhje me telefonatën midis Trumpit dhe Sekretarit të Shtetit të Georgias, Brad Raffensperger, raporton bbc.
Sipas NBC-së, e cila pa letrën, kërkesa vjen si pjesë e një hetimi penal për disa akuza duke filluar nga deklarata të rreme deri te “çdo përfshirje në dhunë ose kërcënime në lidhje me administratën e zgjedhjeve”, transmeton Telegrafi.
“Unë thjesht dua të gjeni 11,780 vota”, dëgjohet duke thënë ish-presidenti, në një regjistrim të lëshuar nga Washington Post më 4 janar.
Në kohën e regjistrimit, Trump vazhdoi të bënte akuza të pabazuara se kishte pasur mashtrim të përhapur në disa shtete, përfshirë Georgian. Sidoqoftë, shteti ka riafirmuar fitoren e Joe Biden.
Ky zhvillim vjen ndërsa Donald Trump përballet me hetime të vazhdueshme kriminale dhe civile në New York mbi bizneset e tij. /Telegrafi/