Mund të duken si skena nga filmi “Crouching Tiger, Hidden Dragon”, por këto femra iraniane janë duke ushtruar lëvizjet e tyre që të bëhen ninxha të trajnuara mirë.
Ato janë fotografuar duke ushtruar me vegla të ndryshme vdekjeprurëse, duke sfiduar gravitetin në një hapësirë në Iran – ku sporti Ninjutsu i arteve marciale është mjaft i popullarizuar tek femrat në këtë vend, transmeton Telegrafi.
Në këtë klub që është themeluar në vitin 1989 që është i vendosur 25 milje larg kryeqytetit Teheran, trajnohen mbi 4 mijë femra që të bëhen ninxha.
Ato mësojnë se si duhet të ngjiten dhe të kërcejnë nga muret, të fshihen në male dhe “t’ua prenë fytin armiqve pa bërë shumë zhurmë”.
Instruktorja e Ninjutsu, Fatima Muamer, kohë më parë pati deklaruar se ky sport është mjaft i kërkuar nga femrat e këtij vendi i cili sipas saj po u ndihmon të krijojnë baraspeshimin mes trupit dhe mendjes. /Telegrafi/
