Nënkryetari i OBRM-PDUKM-së, Aleksandar Nikolloski në intervistë për ‘TV Alfa’ tha se nëse gjykata nuk kryen punën e vet në rastin me PSP-në dhe lëndën ‘Haraçi’, atëherë OBRM-PDUKM do të dalë me informacione të reja për këtë rast.
“PSP me çantën ‘Louis Vuitton’ e mbushur me miliona euro ka përfunduar. Do të dalë shumë punë. Ne i lëmë gjykatës të provojë të hetojë dhe kemi shumë informacione. Nëse heton do të jetë mirë, nëse jo, do të dalim në opinion me ato informacione”, theksoi Nikolloski, përcjell Telegrafi Maqedoni.
Ai shpreson se pas 12 prillit pret një gjyqësi dhe prokurori të çliruar dhe të relaksuar ku nuk do të ketë trysni politika nga krerët shtetërorë.
Nënkryetari i OBRM-PDUKM-së sqaroi se premtimet e Zaev nuk janë realizuar ndërsa Ligji për PP, sipas tij duhet t’i mbyllë të gjitha çështjet dhe duhet të jetë cilësor ku pranohen vërejtjet e OBRM-PDUKM-së./Telegrafi/