Nicki Minaj do t’ia paguajë shkollimin një studenti, nëse ai tregon sukses

Nicki Minaj është treguar e gatshme që t’ia paguajë shkollimin një fansi, me kusht që ai të marrë nota të mira në fakultet.

Kohë pas kohe, fansa të shumtë i kërkojnë mbështetje financiare këngëtares në rrjetet sociale, ndërsa ajo ka zgjedhur t’u përgjigjet disa prej tyre.

Lexo po ashtu Nicki Minaj si vet 'djalli', me skena të nxehta në klipin e ri me David Guettan dhe Lil Waynen (Foto/Video, +16)

Në postimet e tyre, njerëzit i kanë dërguar të dhëna nga xhirollogaritë e tyre bankare duke i treguar Nickit për problemet financiare që i kanë.

Një prej tyre ishte një student me emrin Josh, i cili ia ka kërkuar reperes 1.000 dollarë për të vazhduar studimet. Sipas tij, paratë i nevojiten për qira, ushqim dhe libra.

Minaj ka vendosur t’i dhurojë 6.000 dollarë për këtë student, me kusht që ai të tregojë sukses në studime. /Telegrafi/