Presidenti amerikan, Joe Biden dhe Zonja e Parë, Jill Biden, kanë njoftuar për ngordhjen e qenit të tyre pastor gjerman, me emrin Champ, i cili kishte shoqëruar ata për 13 vjet.
“Familja jonë humbi sot shokun tonë të dashur Champ. Do të më marrë malli për të”, shkroi presidenti Biden në Twitter.
Champ ishte një nga dy pastorët gjermanë që jetonin në Shtëpinë e Bardhë me familjen Biden, së bashku me Majorin.
Qeni gjithashtu kishte jetuar në Washington kur Biden ishte nënkryetar i SHBA-së.
“Në momentet tona më të gëzueshme dhe në ditët tona më të pikëlluara, qeni ishte për ne, i ndjeshëm ndaj çdo ndjenje dhe emocioni tonë të pashprehur. Do të na mungojë gjithmonë”, tha familja Biden në një deklaratë. /Telegrafi/
Our family lost our loving companion Champ today. I will miss him. pic.twitter.com/sePqXBIAsE
— President Biden (@POTUS) June 19, 2021