Sot, në organizim të Shoqatës së alpinistëve ‘Korab’, do të bëhet ngjitja tradicionale në majën më të lartë malore në Maqedoni – Korabin e Madh, ku në majë do të vendosin flamurin e Shaqtës së qytetarëve me sëmundje të rralla ‘Jeta me sfida’, përcjell Telegrafi Maqedoni.
Siç informojnë nga Shoqata, kjo është vazhdim i traditës së pjesëmarrjes së tyre në ngjitjen në Korabin e Madh, që mbahet me rastin e 8 Shtatorit, Ditës ë pavarësisë së Republikës së Maqedonisë.
Vendosja e flamurit në Korab, sipas Shoqatës ‘Jeta me sfida’ është një aktivitet simbolik që realizohet për ngritjen e vetëdijes publike lidhur me sëmundjet e rralla në Maqedoni dhe sfidat me të cilat përballen njerëzit me sëmundje të rralla dhe familjet e tyre në jetën e përditshme./Telegrafi/