Krimi brenda familjes ka tronditur kryeqytetin shqiptar mëngjesin e kësaj të enjte, ku një person ka qëlluar për vdekje vëllain dhe më pas është vetëvrarë.
Ngjarja e rëndë është regjistruar në zonën e Freskut në Tiranë, pranë teleferikut.
Vehap Faik Cami, 63 vjeç ka qëlluar me armë zjarri duke i marrë kështu jetën vëllait të tij Lulëzim Faik Cami, 68 vjeç dhe më pas me po të njëjtën armë ka qëlluar veten.
Ngjarja e rëndë ka ndodhur rreth orës 07:40, në zonën e Freskut ndërsa ende nuk dihen motivet.
Njoftimi i policisë:
Ne date 04.1.2024, rreth ores 07:40, ne rrugen “Xhon Belushi”, eshte marrë njoftim se ne banesen e shtetasit Lulezim Faik Cami, ka te shtena me arme zjarri.
Nga veprimet paraprake hetimore rezulton se shtetasi Vehap Faik Cami, i dtl 03.01.1961 ka qëlluar me armë zjarri pistolete vëllain e tij, Lulezim Faik Cami i dtl 15.07.1955 dhe me pas veten, ku si pasoje kane gjetur vdekjen te dy. /Telegrafi/