Ata janë një nga çiftet shqiptare që eksplorojnë shumë dhe e duan në masë të madhe natyrën.
Bëhet fjalë për artistin Genc Prelvukaj dhe partneren e tij, këngëtaren Eni Koçi, të cilët prej ditësh duket se kanë nisur një tur në trevat shqiptare.
Të njëjtit ditë më parë kanë vizituar një nga vendet malore, Theth-in, gjersa gjatë këtyre ditëve kanë qenë në Mal të Zi.
Ishte Eni së fundmi ajo e cila ka ndarë disa fotografi në rrjete sociale përfshirë edhe një të tillë përkrah partnerit.
“Ditët e arta”, ka qenë përshkrimi që ia ka vënë fotografisë ku shfaqet në formë të mahnitshme me xhinse e një triko të zezë.
Në koleksionin e imazheve, në fund solli edhe një ku shfaqej bashkë me Gencin nga qyteti i vjetër, Budva.
Dyshja po shijojnë romancën prej shumë vitesh, derisa nuk duket se kanë akoma ndonjë plan për martesë.
Ata njëherësh janë shumë të suksesshëm edhe në fushën e tyre, në muzikë. /Telegrafi/