Nga sonte do të nisin netët festive me koncerte dhe muzikë live në sheshin festiv “Mitrovica feston”, të cilat do të fillojnë në orën 20:00.
Sipas njoftimit, nga data 20 dhjetor sheshi “Adem Jashari” do të mbushet me atmosferë festive, shkruan Telegrafi.
“Nga data 20 dhjetor 2024, sheshi “Adem Jashari” do të mbushët me atmosferën festive, ku do të fillojnë netët festive me muzikë live”, thuhet në njoftim.
Këto aktivitete janë organizuar nga Drejtoria për Kulturë, Rini dhe Sport në Komunën e Mitrovicës.
“Aktivitetet janë të organizuara nga Drejtoria për Kulturë, Rini dhe Sport e Mitrovicës dhe do të përfshijnë koncerte të ndryshme që do të argëtojnë qytetarët gjatë periudhës së fundvitit dhe Vitit të Ri”, thuhet në njoftim. /Telegrafi/
