Një shpërthim ka ndodhur në kompleksin e kimikaleve që ka shkundur sot qytetin gjerman Leverkusen, ku dy persona janë lënduar rëndë, derisa pesë tjerë po konsiderohen si të zhdukur, ka njoftuar kompania “Kurent” që është operator i parkut kimik “Hempark”.
Në rrjetet sociale mund të shihen video e tymit të zi që ngritet mbi re në parkun industrial. Shpërthimi ka ndodhur në pjesën e parkut ku hidhen mbetjet kimike, ka bërë të ditur zëdhënësi i Kurent, transmeton Telegrafi.
Siç raporton Reuters, menaxhmenti i këtij parku ka njoftuar në Twitter se ende është e paqartë se çfarë e ka shkaktuar shpërthimin e fuqishëm.
#Leverkusen #Explosion #Müllverbrennungsanlage der Bayer AG brennt! Fenster und Türen schließen! https://t.co/a0hLqiLWvs pic.twitter.com/v5FXqBCmd0
— Schockfünf (@FohlenJens) July 27, 2021
“Banorët do të duhej të qëndronin të mbyllur dhe të mbyllin edhe dyert e dritaret”, thuhet në kumtesën e Hemparkut.
Agjencia gjermane për mbrojtje civile ka paralajmëruar për një “rrezik ekstrem”.
Televizioni gjerman VDR, ka raportuar se është dëgjuar një shpërthim i fuqishëm dhe se menjëherë pas shpërthimit është ngritur një re e zezë tymi. /Telegrafi/