Këngëtarja Dafina Zeqiri ditë më parë lansoi këngën e re të titulluar “RING RING”, e cila këtë herë erdhi në bashkëpunim me anëtarin e grupit “OTR”, Varrosin.
Projekti i tyre është kompletuar edhe me klip, gjersa artistja vjen për herë të parë me këngë në gjuhën suedeze, dedikuar vendlindjes dhe shoqërisë që është rritur.
Duke qenë se bashkëpunimi i tyre u prit mjaft mirë nga publiku, 30-vjeçarja vendosi t’i sjellë prapaskenat e videoklipit, për t’u treguar fansave se si u xhirua një video e tillë.
“Aksion, Ring Ring”, është përshkrimi që ia ka vënë këngëtarja Zeqiri videos, ku vjen në një paraqitje mjaft tërheqëse përkrah Varrosit.
Ndonëse ka pak ditë që nga lansimi, kjo këngë në kanalin zyrtar, YouTube ka kaluar shifrën e një milion klikimeve.
Ky projekt përndryshe i pason këngëve të shumta që Dafina ka sjell këtë vit, të cilat rezultuan me shumë suksese, bazuar në platformat muzikore.
Bukuroshja verën e sivjetme gjithashtu mbajti edhe një numër të madh të koncerteve e mbrëmjeve jo vetëm në trojet shqiptare, por edhe më gjerë. /Telegrafi/