Nga muaji prill, Agjencia për Zhvillimin e Bujqësisë (AZHB) do të ushtrojë veprimtarinë institucionale në pronën e Ministrisë së Bujqësisë në Ulpianë.
Këtë e bëri të ditur ministri i Ministrisë së Bujqësisë, Faton Peci përmes një postimi në rrjetin social në Facebook.
Ai ka shkruar se kjo hapësirë e krijuar vetëm për Agjencinë, e cila siç tha “është një nga kriteret e rëndësishme drejt akreditimit të AZHB-së në fondet e Bashkimit Evropian”.
“Janë 1500 metra katrorë, me 30 zyra, salla takimesh e prezantimesh dhe hapësira të përshtatshme për arkivin që tashmë janë renovuar.
Kjo hapësirë e krijuar vetëm për Agjencinë është një nga kriteret e rëndësishme drejt akreditimit të AZHB-së në fondet e Bashkimit Evropian”, ka shkruar Peci në Facebook. /Telegrafi/
