Nga policia e Kosovës fillimisht u raportuan dy të plagosur, por nga SHSKUK-ja thonë se tre persona të plagosur janë sjellë nga Podujeva.
Drejtori i Klinikës Emergjente në QKUK, Naser Syla, ka deklaruar se tre persona të plagosur janë sjellë nga Podujeva për trajtim emergjent.
Ai ka thënë se njëri prej tyre është në gjendje më të rëndë shëndetësore po dy të tjerët në gjendje stabile.
“Tre të plagosur janë dhe gjendja e tyre është stabile për momentin, i janë bërë ekzaminimet mjekësore, dy janë jashtë rrezikut për jetë, një është më në rrezik por në gjendje stabile”, ka thënë ai.
Ndryshe, një gjuajtje me armë zjarri ka ndodhur të martën para objektit të Gjykatës në Podujevë gjatë orëve të pasdites.
“Sot rreth orës 16:00, është raportuar për gjuajtje me armë zjarri të ndodhur në rrugën “Nuhi Gashi” në Podujevë. Me të marrë informatën, policia ka dalë në vendin e ngjarjes dhe nga informacionet e para dyshohet se dy persona kanë marrë plagë nga arma e zjarrit”, ka deklaruar Agron Borovci./Telegrafi/