Panairi dhe festivali mbarëkombëtar ‘e JONA’ për herë të parë organizohet në Gjilan në datat 27, 28 dhe 29 Korrik 2022. Pjesëmarrësit në këtë panair do të jenë nga Kosova, Shqipëria, Maqedonia e Veriut, Mali i Zi, Lugina e Preshevës dhe Diaspora me qëllim rritjen e bashkëpunimit mes bizneseve të trevave shqiptare.
Në këtë vit të nisjes së kësaj tradite, komuna e Gjilanit dhe Qeveria e Republikës së Kosovës do të mbështesin të gjitha bizneset vendore që shprehin interes të jenë ekspozues ne panairin ‘e JONA’ me 90% të shumës së pjesëmarrjes.
Kush mund të jetë ekspozues në panairin ‘e JONA’?
Bizneset pjesëmarrëse të cilat mbulojnë veprimtari si:
– Agrobiznes, ushqim dhe pije
– Ndërtim, arkitekturë dhe paluajtshmëri
– Teknologji informative (IT)
– Turizëm dhe kulturë
– Edukim
– Institucione
Panairi dhe festivali E JONA nga data 27 deri me 29 Korrik shënon edicionin e parë në Gjilan.
Ky event përfshinë tri aktivitete paralele si:
1) Panairin e bizneseve mbarë kombëtare dhe takime të bizneseve (B2B)
2) Panairin shitës në sheshin e qytetit me bizneset e vogla (B2C)
3) Festë e verës, e birrës dhe ushqimit i përcjellur me koncerte festive për tri net radhazi
Performuesit në koncerte do të publikohen së shpejti në rrjetet sociale të eventit ‘e JONA’.
Synimi i panairit ‘e JONA’ është që të shndërrohet në panair të përvitshëm dhe traditë, ku çdo vit do të synohet rritja e ekspozuesëve dhe mysafirëve, duke ndikuar kështu në rritjen ekonomike në regjionin e Anamoravës. Prodhuesit shqiptarë kudo që janë, tashmë do të mblidhen në një vendtakim.
Bizneset do të kenë mundësinë të njoftohen rreth veprimtarisë së njëri tjetrit dhe të ndërtojnë marrëdhënie bashkëpunimi për shkëmbimin, shpërndarjen dhe promovimin e ndërsjellë të produkteve të veta në mbarë tregun shqiptar.
Thirrja është e hapur për pjesëmarrje të bizneseve, ndërsa panairi do të jetë i hapur edhe për vizitorë, pa pagesë.
Më shumë informata rreth panairit dhe regjistrimit mund të gjeni në www.ceokos.com/e-jona
