Mbrëmë (e premte) ka qenë nata e dytë e spektaklit “Dancing With the Stars”.
Edhe në këtë natë pati befasi të shumta nga konkurrentët e po ashtu u bë edhe eliminimi i parë.
Prezantuesja e këtij shou, Bora Zemani, shkëlqeu edhe këtë herë me fustanin e bardhë të ngushte që ia vinte në pah linjat trupore.
Ajo së fundmi ka shpërndarë disa fotografi në Instagram, ku duket se nuk mungoi sërish partneri i saj, Donald Veshaj.
Ai tani pas ribashkimit po qëndron çdo moment krah të dashurës duke e mbështetur në masë të madhe.
Në mesin e imazheve që ka publikuar në Instagram, një prej tyre është edhe me aktorin nga Vlora.
Çifti shfaqen dorë për dore dhe për këtë pati reagime të shumta në pjesën për komente.
Bora dhe Donaldi zbuluan se u pajtuan pas përfundimit të Big Brother VIP, përkundër ngjarjeve që rrodhën në shtëpinë e famshme. /Telegrafi/