Janë zhvilluar 11 ndeshje natën e mbrëmshme në elitën e basketbollit amerikan NBA.
Lakers kanë marrë një fitore spektakolare në fund të takimit pas vazhdimeve me tri pikë epërsi ndaj Dallas Mavericks.
Fitore ka shënuar edhe kampioni në fuqi Milwaukee Bucks 114:99 ndaj Indiana Pacers, derisa takim dramatik është zhvilluar edhe mes Oklahoma City Thunder dhe New Orleans Pelicans ku mysafirët kanë triumfuar me një tre pikësh në sekondën e fundit.
Edhe në ndeshjet e mbrëmshme nuk kanë munguar aksionet fantastike si bllokada, gjuajtje nga largësia e ngulitje.
Jarrent Allen është përkujdesur për një bllokadë monstruoze, derisa ngulitje të jashtëzakonshme kanë bërë edhe Brandon Ingram dhe Okoro. /Telegrafi/
