Dubai, një nga vendet më të ngarkuara në Emiratet e Bashkuara Arabe, ka rregulla strikte parkimi, shkeljet e të cilave mund të dëmtojnë thellë xhepat tuaj.
Kjo për faktin se, sipas mediave të huaja, përcjell Telegrafi, Autoriteti Rrugor dhe Transportit i Dubait (RTA) ka zbatuar rregulla strikte parkimi me gjoba që variojnë nga 100 deri në 10,000 Dhh.
Më poshtë është një listë e shkeljeve të parkimit dhe dënimeve që duhet të keni parasysh për të parandaluar gjoba të rënda:
Tejkalimi i kohës së parkimit – 100 Dh (rreth 25 euro)
Tejkalimi i orëve maksimale të parkimit – 100 Dh (rreth 25 euro)
Mospagesa e tarifave të parkimit ose nëse bileta nuk është e dukshme – 150 Dh (rreth 38 euro)
Pengimi/Keqpërdorimi i hapësirës së parkimit – 200 Dh (rreth 50 euro)
Nëse automjeti kalon trotuarin ose qëndron mbi të – 200 Dh (rreth 50 euro)
Përdorimi i vend-parkimit të ndaluar – 200 Dh (rreth 500 euro)
Parkimi i një automjeti pa targë – 1000 Dh (rreth 250 euro)
Parkimi i një automjeti në një vend parkim të rezervuar ose mosparaqitja e lejes – 1000 Dh (rreth 250 euro)
Demonstrimi i makinave në shitje ose me qira në një zonë të kufizuar – 1000 Dh (rreth 250 euro)
Heqja e makinave të biletave ose targave të zonës – pa leje – 10,000 Dh (rreth 2,500 euro)
Vërejtje: Lista mund të mos përmbajë të gjitha llojet e gjobave dhe mund të ndryshojë sipas udhëzimit të RTA. /Telegrafi/