Neymarit i është vjedhur identiteti në vendlindjen e tij – bëjnë të ditur mediat braziliane.
Raportohet se një person i ka shfrytëzuar të dhënat e sulmuesit të Paris Saint-Germainit duke kërkuar ndihmë për punëtorët gjatë pandemisë së coronavirusit.
Sipas UOL Esporte, përfaqësuesit e lojtarit nuk kanë qenë në dijeni për këtë gjë, derisa janë kontaktuar nga shtypi.
“Është e qartë se Neymari asnjëherë nuk ka kërkuar që ta shfrytëzojë këtë program dhe ne nuk e dimë se kush ka qenë në gjendje që ta bëjë”.
“Përfaqësuesit e futbollistit madje as nuk kanë ditur gjë lidhur me këtë ndihmë para se të kontaktoheshin nga shtypi”, ka thënë një zëdhënës i Neymarit për UOL Esporte.
Braziliani është lojtari i tretë më i paguar në planet pas Lionel Messit dhe Cristiano Ronaldos. Gjatë 12 muajve të kaluar ai ka përfituar rreth 86 milionë euro. /Telegrafi/