Super talenti brazilian Neymar, është bërë futbollisti i parë që do të mbathë atletet e famshme të njohura si “Jordan”, të markës Nike të cilat dikur i mbathte ylli i Chicago Bulls, Michael Jordan.
Sulmuesi i Barcelonës ka kërkuar nga sponsori i tij Nike atlete të linjës së Jordan, të cilat planifikon t’ia dedikoj të birit të vet David Luka, dhe për këtë në këto atlete do të figurojnë inicialet DL si dhe flamuri brazilian, transmeton Telegrafi.
Përveç kësaj kërkese të pazakonshme, në atlete do të figurojnë dy numra.
Numri 10 që tregon numrin e fanellës që Neymar e bartë me përfaqësuesen e Brazilit si dhe numri 23 që dikur e barte në fanellë ylli i basketbollit amerikan Michael Jordan. /Telegrafi/
