Neymar: Nuk e di se çfarë duhet të bëj për të pasur respekt

Neymar ka kërkuar respekt nga shokët e tij brazilianë pasi theu një rekord të ekipit kombëtar kundër Perusë të enjten.

Sulmuesi u bë golashënuesi më i mirë i vendit të tij në kualifikimet për Kupën e Botës kur ai shënoi në fitoren 2-0 në Recife, ndërsa ai gjithashtu asistoi golin tjetër.

Numri i golave të Neymarit në raundet paraprake të turneut tani qëndron në 12, duke e vënë atë mbi legjendat e Brazilit si Romario, Zico dhe Ronaldo.

Lexo po ashtu Brazili vazhdon me fitore, triumfon ndaj Perusë nën regjinë e Neymarit

Pavarësisht rekordit të tij për Brazilin, ylli i Paris Saint-Germain mendon se nuk merr respektin që meriton dhe nuk e di se çfarë duhet të bëjë për ta fituar atë.

“Natyrisht, skuadra është më e rëndësishmja. Jam shumë i lumtur që jam golashënuesi më i mirë në kualifikime, asistuesi më i mirë për ekipin kombëtar dhe së shpejti, nëse gjithçka shkon mirë, do të jetë nder të kalojë Pelen si golashënuesi më i mirë i të gjitha kohërave”, ka thënë fillimisht Neymar për TV Globo.

“Nuk e di më se çfarë duhet të bëj që njerëzit të më respektojnë. Kjo është normale, ka kaluar shumë kohë. Gazetarë, komentues, të tjerë gjithashtu”.

“Ndonjëherë as nuk më pëlqen të flas në intervista, por në një moment të rëndësishëm vij dhe shfaqem”.

“Ua lë djemve të mendojnë pak”, përfundoi ylli brazilian. /Telegrafi/