Sulmuesi brazilian, Neymar thuhet se ia ka bërë të qartë drejtuesve të Paris Saint-Germain se ai dëshiron të largohet nga klubi këtë verë.
Braziliani nuk u kthye në trajnim sot (e hënë), duke bërë që PSG të lëshojë një deklaratë duke dënuar lojtarin e tyre për mos shfaqjen në grumbullim.
Megjithatë, sipas mediumit brazilian UOL Esporte, Neymari i ka thënë presidentit të PSG-së, Nasser Al-Khelaifi dhe drejtorit sportiv Leonardo që ai dëshiron të largohet.
Ky medium raporton tutje duke shkruar se sulmuesi mund ta ketë thirrur Leonardon për t’i thënë atij se ai nuk ka ndërmend të kthehet në Paris.
Babai i Neymar pohoi se djali i tij kishte leje të qëndronte deri më 15 korrik, me lojtarin që mori pjesë në një numër ngjarjesh bamirëse në Brazil.
Neymar mungoi në triumfin e Brazilit në Copa America pas lëndimit të kyçit të këmbës gjatë ngrohjes për ndeshjen kundër Katarit. /Telegrafi/