Jeta e lojtarëve profesionistë të futbollit gjithmonë ofron shumë materiale për faqet e thashethemeve.
Nëse ka një emër që nuk është kurrë shumë larg titujve, është ai i Neymar Jr.
Reprezentuesi brazilian, i cili luajti për Barcelonën për katër sezone, e ka shijuar jetën në qytet dhe kthehet gjithmonë kur mundet. Në fakt, djali i tij Davi Luca jeton atje, kështu që Neymar ka gjithmonë një justifikim të mirë për ta vizituar.
Hera e fundit që ai u pa atje ishte disa javë më parë, kur klubi i tij i ri, skuadra saudite Al-Hilal , i dha atij disa ditë pushim.
Neymar ka përfituar nga qëndrimi i tij në kryeqytetin katalanas për të dalë në festë, gjë që e ka futur sërish në kryetitujt e mediave. Kjo pasi braziliani, pak ditë pasi u bë baba për herë të dytë, u kap nga gazetarët nga afër me një grua.
Ditë më vonë, paparaci Jordi Martin nxori në dritë në ‘Amor y fuego’ identitetin e vajzës që ishte me Neymar. Të shumtë janë habitur kur mësuan se vajza në fjalë është ish-kolege e Clara Chias , partnerja aktuale e mikut të tij Gerard Pique.
Ajo quhet Carola Gil dhe përveçse ish-bashkëpunëtore e Chias, ajo është shoqja më e mirë e këngëtares Tini Stoessel.
Sipas fotografit, Gil dhe Chia do të ishin takuar kur punonin si kamariere në një klub nate.
“Ata janë takuar prej shumë muajsh, Carola ka udhëtuar disa herë në Paris për të qenë me Neymar. Madje ajo ishte në ditëlindjen e tij”, shpjegoi gazetari. /Telegrafi/