Neymar tashmë gjendet me bashkëlojtarët e kombëtare braziliane në shtetin rus.
Braziliani do të paraqitet me Brazilin në kampionatin botëror të futbollit, ku do të synojë që vendlindjes t’ia sjell trofeun e gjashtë.
Por, ajo që ka rënë në sy me të aterruar aeroplani dhe posa kanë dal futbollistët, ishte çanta e yllit të Paris Saint-Germain.
Ai mbante në krah çantën e bërë prej arit dhe në të kishte disa fotografi familjare – nënën, babanë, motrën dhe djalin e tij.
Mediat britanike pas një hulumtimi të bërë kanë ardhur në përfundim se një bagazh i tillë, kushton hiq më pak se njëmijë euro.
Lojtari mbetet top lajm në mediat ndërkombëtare pasi që kohët e fundit po raportohet për një rikthim në Spanjë.
Braziliani thuhet se do të transferohet te Real Madridi, e cila gjë do të dihet pas Kupës së Botës. /Telegrafi/
