Shenjëtari ynë, Nexhat Sahiti, ka vazhduar me formë të mirë, duke përmirësuar rezultatet e tij në arenën ndërkombëtare.
Bursisti Olimpik për Paris 2024, zuri vendin e 16-të nga 65 garues në Kampionatin Evropian, që po mbahet në Hamar të Norvegjisë.
Nexhati grumbulloi 577 rrathë, në pistoletë ajrore 10 metra, po aq sa kishte edhe vendi i 13-të. Seria e fundit e tij ishte e pafat, pasi me tri pikë më shumë do të hynte në çerekfinale.
Në Evropian u paraqitën edhe Drilon Ibrahimi e Petrit Abdyli, të cilët grumbulluan 604.06 respektivisht 577 rrathë në disiplinën pushkë ajrore.
Ibrahimi u rendit i 53-ti, ndërsa Abdyli që debutoi në garat ndërkombëtare, 54-ti.
