Gary Neville kritikoi ndeshjen e Manchester United kundër Liverpoolit, që e humbën 4-0 në derbin që u luajt në kuadër të javës së 30-të në Ligën Premier.
Ish-lojtari i Djajve të Kuq ka thënë se kjo është një gjendje alarmante në skuadër, derisa kishte lëvdata vetëm për talentin, Hannibal Mejbri.
“Dështimi sot dhe i gjithë sezoni është alarmant”, deklaroi fillimisht Neville.
“Unë i shikoj ndeshjet e Manchester United për pothuajse 42 vjet, thjesht nuk bëhet më keq”.
“Shikoni boshllëqet midis sulmit dhe mbrojtjes, është e pabesueshme”.
“Duhet një fëmijë i ri që të vijë për t’u treguar atyre se si të vrapojnë dhe të bëjnë një ndërhyrje. Unë në fakt jam krenar për të”, ka shtuar më tej ai.
Manchester United me këtë humbje ia ka vështirësuar vetës shanset për top katër, pasi aktualisht janë në vendin e gjashtë me 54 pikë, aq sa ka edhe Arsenali, por që ka dy ndeshje më pak. /Telegrafi/