Legjenda e Manchester Unitedit, Gary Neville është i tronditur nga formën dhe paraqitjet e dobëta të David De Geas dhe kjo e ka befasuar atë.
Djajtë e Kuq u mposhtën 2-0 në shtëpi nga rivali lokal Manchester City dhe De Gea ishte pjesërisht fajtor në të dy golat e pranuar.
Paraqitja e tij e dobët nuk mbeti pa u kritikuar as nga legjenda e Unitedit, Neville, i cili tha se nuk është ky De Gea që njohim.
“Portieri duhet të bëjë më të mirën. De Gea është i mrekullueshëm, por këtë sezon nuk është ai që ne njohim sikur në sezonet e kaluara”, ka thënë fillimisht Neville për Sky Sports.
“Këmbët e pa pozicionuara mirë bënë që topi të mos ndalet dhe të futet në rrjetë”.
“Isha në Camp Nou kur e pash David de Gean me gabimin e njëjtë pas goditjes së Messit. Ai po kalon një kohë vërtetë të vështirë”, përfundoi anglezi. /Telegrafi/