Ndeshja më e madhe në 1/8 e finales në Ligën e Kampionëve padyshim që do të jetë mes Arsenalit dhe Bayern Munichut.
Dy skuadrat janë përballur shpesh herë në vitet e fundit, ku gjermanët kanë qenë dominues.
Ka qenë portieri gjerman i Bayernit, Manuel Neuer që e ka ngacmuar fillimisht shokun e Kombëtares, Mesut Ozil i cili luan tek Arsenal.
Neuer postoi një foto duke pritur penalltinë ndaj Ozilit dhe ka shkruar: “Takim i mirë mik”.
Treffen guter Bekannter #ucl #FCBARS @MesutOzil1088 pic.twitter.com/x0DxnK8N65
— Manuel Neuer (@Manuel_Neuer) December 12, 2016
Por nuk vonoi edhe përgjigja e yllit të Arsenalit i cili gjithashtu postoi një foto me Neuerin, por kësaj radhe duke e mposhtur atë.
“Kjo është historia e vërtetë vëlla”, shkroi Ozil duke bërë që postimet e këtyre dyve të komentohen shumë nga tifozët e Arsenalit dhe Bayernit.
Kujtojmë se Ozil dhe Neuer janë dy miq të ngushtë dhe miqësia e tyre ka filluar që nga koha kur ishin të dy pjesë e Schalke 04. /Telegrafi/
@Manuel_Neuer True story mate ??? … #UCLdraw #FCBARS pic.twitter.com/xrkC9oJQxM
— Mesut Özil (@MesutOzil1088) December 12, 2016